Sumarstörf

Náttúrustofa Vestfjarða leitar að starfsfólki í sumarstörf á Náttúrugripasafn Bolungarvíkur og í Sjóminjasafnið Ósvör. Um er að ræða dag- og helgarvinnu.

Vaktstjóri. Í starfinu felst að veita leiðsögn í Ósvör og sjá um eftirlit með vaktaskipulagi og sjá um uppgjör ásamt öðrum verkum sem til falla í starfi. Starfsmaður sinnir einnig safnvörslu á Náttúrugripasafni.

Safnvörður Ósvör. Í starfinu felst að veita leiðsögn og ýmis önnur verk sem til falla.

Móttaka gesta.  Í störfunum felst m.a í móttaka ferðamanna, að veita leiðsögn á Náttúrugripasafninu og ýmis önnur verk sem til falla í starfi.

Hæfniskröfur eru samskiptahæfileikar, íslensku- og enskukunnátta, frumkvæðni, jákvæðni, sjálfstæði í vinnubrögðum og reynslu að þjónustustörfum æskileg.

Umsóknarfrestur er til og með 19. Apríl nk. Nánari upplýsingar um starfið í síma 456-7005 eða í gegnum netfangið nave@nave.is.

 

Um safnið

Náttúrugripasafn Bolungarvíkur var formlega opnað í maí 1998, en safnið er það fyrsta sinnar tegundar á Vestfjörðum.

Sýningarsalurinn er yfir 300m2. Við safnið er salur sem gerir það auðvelt að taka á móti hópum. Náttúrustofa vestfjarða sér um daglegan rekstur.

Náttúrugripasafnið er tileinkað Steini Emilsyni jarðfræðingi, sem lengi var skólastjóri í Bolungarvík. Steinasafn hans er uppistaðan í steinasýningu safnsins.

Spendýrum og fuglum eru gerð góð skil. Þegar inn er komið er gestum heilsað af blöðruselsbrimli og hvítabjörninn er ekki langt undan, umkringdur selum, refum og minkum.

 

Náttúrugipasafnið er í eigu Bolungarvíkurkaupstaðar en Náttúrustofa Vestfjarða sér um rekstur safnsins. 


Náttúrugripasafn Bolungarvíkur | Vitastíg 3 | 415 Bolungarvík | kt 531108-0350 | Sími: 860-3744 | netfang; nabo[hjá]nabo.is